د ستورو پۀ رڼا کښي ځان نه ورک يم - ستا د خياله
د حسن ښــــــــاپيري زما د زړۀ بدري جمــــــــــــاله
ښائست دي سرۀ ګلـــــــــــونه پۀ شبنم د نوبهار کښي
خؤارۀ وارۀ پراتۀ زما د زړۀ پۀ لالـــــــــه زار کښي
سپوږمۍ د څوارلسمي ئي رڼا دي تکه سپينــــــــــــه
راځه د ليونو د دړد دوا ئــــــــي ماه جبينــــــــــــــــــه
خولي د پۀ رخسار قطره قطره لکـــــــــــه شراب دي
د سرو شونډو دي وګــــــــــي ملايان خانه خراب دي
زمــــــــا نه هيره کړي دي د دين دنيا قيصــــــــــه ده
پۀ سترګو کښي دي جوړه څۀ عجبه نظـــــــــــاره ده
پياله د سرو شرابو پکښـــــــــي خوند د يار د شـونډو
د شيخ سره پۀ لاس کښي تصويرونه د بربنــــــــــډو
هر څو کۀ مي د ژوبل احساس عکس پکښي تت دے
تۀ پوهه ئي چي تا سره مي څـومره مــــــــــحبت دے
پۀخپله د الله پۀ لاسـو جــــــوړه پۀ فرصــــــــــــت ئي
شپيلئ د اسرافـيل ئي يوه چغـــــــــــــــــه د قيامـت ئي
No comments:
Post a Comment