تاوې زړه کې مې خبرې
ما وې څه دي راته وايه
په خندا دې وې چې هسې
ما وې هسې دې قربان شم
په دې هسې کې دې څه دي
څه خواږه دي که تراخه دي
دا ګلونه که اوبه دي
وايه څه دې چې په زړه دي
***
تا وې نه نه هېڅ هم نشته
نه خواږه شته نه تراخه شته
نه ګلونه نه اوبه شته
خو بس هسې يو څه شته دي
نه پوهېږم چې دا څه دي
په دې زړه کې مې پراته دي
څه دردونه دي خواږه دي
کله لږ شي کله ډېرشي
لاس تر غاړې مې چاپېر شي
راياديږي راياديږي
نه هيريږي نه به هېر شي
***
ما وې يا شومې بخيلې
ننواتې درلېږمه
خپلې ماتې ګوډې هيلې
دا خواږه خواږه يادونه
پاڅه ټول راسره نيم کړه
نيم به ستا نيم به زما شي
دا په تول راسره نيم کړه
تاوې نه کيږي شاعره
ما وې ولې ولې ولې؟
تا وې هسې هسې هسې
ما وې هسې دې قربان شم
No comments:
Post a Comment