جــانــانه تــه خو داســې نـه وې؛ دچــا خبــري دې ضــرورمنلې دينه , تورو ته سپين خلک پيدا دي ځکه د سترګو تور د سترګو مينځ کې دينه , توره به نه کړې نو به څه کړې چې دې شېدې د پښتنې رودلي دينه , ته بې وفا شوې زه دې هېر کړم زه بې وفا نه يم چي تابه هېرومه , ته چې په ما پورې خندا کړې خدای دې مئين کړه چې زما د خندا شينه , ته چې زما د يارۍ نه وې زما ويده زړګی دې ولې ويښونه , ته چې زما قبر ته راشې زه به په قبر کې اشنا خوشاله شمه , ته د کوهاټ په غاښي راشه زه دره وال ټوپک په غاړه ګرځومه

Home Pashto Ghazal Kando ta goram na pasegam be qarar nast yam

Kando ta goram na pasegam be qarar nast yam

کنډؤ ته ګورم نه پاڅيږم بې قرار ناست يم

دا ته چې راغلې زۀ د چا پۀ انتظار ناست يم

دفاصلې غرونه يو رنګ ستاپټولے نه شي

د ګل قيصه کؤم که لرې له بهار ناست يم

ښه ده چې تاته نن د سوي غوښې بوئې درغے
يوې مودې نه زۀ د وخت پۀ سور انګار ناست يم

نه په جمعه نه په زيارت دې دمخ شمعه راوړه
زۀ به ترڅو تا ته پۀ خوا کښې دمزار ناست يم

ساده منګل نه يم چې شمه به اسير د بل چا

ستا د اوربل پۀ اېشمه مست يمه خُمار ناست يم