Parakhna Mat Parakhne Main Koi Apna Nahin Rehta,

Poet _ Basheer Badar,

Type By,

*.__SAJJAD__.*

Parakhna Mat Parakhne Main Koi Apna Nahin Rehta,

Kisi Bhi Aaine Main Dair Tak Chehra Nahin Rehta,

Bare Logon Se Milne Main Hamesha Faasla Rakhna,

Jahan Darya Samandar Se Mila Darya Nahin Rehta,

Hazaron Shair Mere So Gaye Kaghaz Ki Qabron Main,

Ajab Maa Hoon Koi Bacha Mera Zinda Nahin Rehta,

Koi Badal Harey Mosam Ka Phir Elaan Karta Hai,

Khizaan K Baagh Main Jab Ek Bhi Pata Nahin Rehta,

Muhabbat Ek Khushbon Hai Hamesha Saath Chalti Hai,

Koi Insan Tanhai Main Bhi Tanha Nahin Rehta,

Tumhara Sheher To Bilkul Naye Andaaz Wala Hai,

Humare Sheher Main Bhi Ab Koi Hum Sa Nahin Rehta,