Umar Ek Khwab Sajane Main Gayi,

Poet _ Amjad Islam Amjad,

Type By,

*.__SAJJAD__.*

Umar Ek Khwab Sajane Main Gayi,

Teri Tasveer Banane Main Gayi,

Kat Gayi Kuch To Gham_e_Hijran Main,

Aur Kuch Milne Milaane Main Gayi,

Ek Shola Sa Bhi Lapka Tha,

Zindagi Aag Bujhane Main Gayi,

Aise Soday Main To Ghaata Hai Agar,

Aabru Sar K Bachane Main Gayi,

Tum Bhi Chaho To Nahin Ban Sakti,

Baat Jo Baat Banane Main Gayi,

Umar Bhar Ki Thi Kamai Meri,

Jo Tere Baam Pe Aane Main Gayi,

Aks Dar Aks Faqat Herat Thi,

Aqal Jab Aaina Khaane Main Gayi,